කොළඹ අහස

දිනිසුරු නැගෙනවාත්  එක්කම 

මහා කාලගෝට්ටියක් 

කොළඹ අහස යට...

හතර වටටම වාහන 

දුවදුවා නැති කරයි 

අරුණෝදයේ මනස්කාන්තය...

එකෙක් කාපු දේ 

නැති කර ගන්න දුවයි...

තවකෙක් කන්ට 

දෙයක් ගේන්න දුවයි...

කලිසම අදිමින් 

කමිසය මදිමින් 

බඩගින්න රවට්ටන්නට 

ගිල දමයි එහෙන් මෙහෙන්

කඩචෝරුවක්...

ඉරිමාවක් පැමිණෙන විගස

අඩුම කුඩුම එකතු කරන්

විදින්නට යයි 

වෙනස් ලොවක  සිරි අසිරිය ...

අත්බම්බුව දිහා බලන් 

විරිත්තයි ඔල්මාදෙන් මෙන් 

අගේ හැපුනොත් සිහියට එයි 

අපිම කරපු වෙනසක අරුම...

                      ✍️ නිලංගා ජයවර්ධන ✍️